موضوع: طريقة عمل شرائح البفتيك السبت يونيو 26, 2010 5:53 pm
شرايح البفتيك بالصور،طريقة عمل شرايح البفتيك بالخطوات المصور،شرايح البفتيك جديدة
شرايح البفتيك بطريقتي المبتكرة ...
البفتيك كتير منا بحبووه..لكن مشكلتو ما بيزبط مع الكل فاما احيانا بطلع مجلد او ما الو نكهة مشان هيك اغلبنا بفضل يطلبو من المطعم بس انا ابتكرت طريقة وجربته والكل حبو وكان منكه وطري جداا..
المقادير نص كيلو لحم غنم مفروم بهارات مشكلة +ملح مطيبات (اوجانو-ريحان) طحين+بيض مخفوق (اختياري) تغليف البفتيك زيت +زبدة للتحمير مجموعة خضار(فليفلة ملونة_فطر_بصل_ملفوف_جزر)
الصوص ام.ك طحين شريحة زبدة شريحة جبنة سلايس (او اي نوع) صويا صوص فلفل اسود نص كوب كريمة
الطريقة
جهزي اللحمة المفرومة بطبق ثم اضيفي البهارات والمطيبات ..
اخلطي اللحمة جيدا وتاكدي من ان المطيبات اندمجت جيدااا
هلئ استخدمي مطرقة اللحمة او الستيك ..عن طريق وضع كمية من اللحمة المتبلة بين قطعتين نايلون (انا استخدمت اكياس الاكل) بعد فردها قليلا باليد ثم الطرق بشدة على القطعة حتى تتمدد وتلتصق ببعض (لاحظي الصور)
طبعا انا وضعت بشكير تحت النايلون لسهولة الطرق..
لاحظي سماكة الشريحة بعد الطرق (حلوة الطرق اذا كنتي معصبة)
هلى اعطيها شكل دائري باي طريقة تعرفيها..ثم ضعي الشرايح بالبراد لحين الاستخدام.. (لا تنزعي النايلون حتى موعد القلي فقط)
حمي قليلا من الزيت مع شريحة زبدة .. .ثم غمسي شريحة اللحمة بالطحين والبيض والطحين(انا ما احب البيض فاستغنيت عن هالخطوة) امسكيها بايدك متل الصورة وضعيها بالمقلاة الحارة..حتى تحمر قليلا (ما راح تاخد وقت يا دوب دقيقتين)
هلىء قطعي الخضار واشويهااا بقليل من الزبدة والملح والفلفل الاسود...
بعدها نجهز الصوص ..بنفس المقلى بضع بعض الزبدة و1م.ك طحين+نص كوب كريمة +شريحة جبنة سلايس+ماء+صويا صوص(حسب الملوحة) تقلب المقادير جيداااوتوضع فوق البفتيك او بجانبه..
السبت يونيو 26, 2010 5:53 pm
